ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

ការប្រឡងបាក់ឌុប២ថ្ងៃនេះបានបញ្ចប់ដោយរលូន

  • ចុះផ្សាយថ្ងៃទី០៦ ខែធ្នូ ឆ្នាំ២០២២ ម៉ោង ១៨:១៣ នាទី ដោយ Sao SokEng
  • 1449
  Aa |   aA

ភ្នំពេញ៖ ក្រសួងអប់រំ យុវជន និងកីឡា បានបញ្ជាក់ថា រយៈពេលពីរថ្ងៃនៃការប្រឡងបាក់ឌុប ថ្ងៃទី០៥-០៦ ខែធ្នូ ឆ្នាំ២០២២ បានប្រព្រឹត្តទៅដោយរលូនប្រកបដោយសន្តិសុខ និងសណ្តាប់ធ្នាប់ល្អ ពោលមិនមានបាតុភាពមិនប្រក្រតីណាមួយកើតឡើងគួរឲ្យកត់សម្គាល់ឡើយ។

ក្រសួងអប់រំគូសបញ្ជាក់ថា ទោះបីនៅតាមមណ្ឌលប្រឡងមួយចំនួនមានភ្លៀងធ្លាក់ ប៉ុន្តែមិនបង្កផលប៉ះពាល់ដល់ដំណើរការប្រឡងឡើយ។

ក្រសួងអប់រំបានប្រាប់ឱ្យដឹងថា ការប្រឡងបាក់ឌុប២ថ្ងៃនេះ មានបេក្ខជនអវត្តមានចំនួន ២៤០០នាក់ ស្មើនឹង ១,៨៧ភាគរយ ក្នុងនោះស្រី ១០៣៦នាក់។

បើតាមក្រសួងអប់រំ ក្នុងដំណើរការប្រឡងពេញមួយថ្ងៃនេះ មានបេក្ខជនចំនួន ៧០នាក់មានបញ្ហាសុខភាព ក្នុងនោះមានបេក្ខជនចំនួន ៤នាក់ជួបគ្រោះថ្នាក់ចរាចរណ៍ និងបេក្ខជនចំនួន ៤នាក់ទៀត សង្ស័យវិជ្ជមានកូវីដ-១៩។ ក្រសួងបញ្ជាក់ថា ក្នុងចំណោមបេក្ខជនដែលមានបញ្ហាសុខភាព គឺមានបេក្ខជនចំនួន ៣នាក់មិនអាចបន្តប្រឡង។ ជាមួយគ្នានេះមានបេក្ខជនប្រព្រឹត្តកំហុសឆ្គងមានចំនួន ១ករណី។

ជាមួយគ្នានេះមានគណៈកម្មការចំនួន ១៤នាក់មានបញ្ហាសុខភាពអំឡុងបំពេញភារកិច្ចក្នុងដំណើរការប្រឡងបាក់ឌុប។ ក្នុងនោះ ១នាក់មានស្ថានភាពធ្ងន់ធ្ងរដែលត្រូវបញ្ចូនទៅសង្គ្រោះនៅមន្ទីរពេទ្យ។

ក្រសួងអប់រំបានបន្តថា សំណៅកិច្ចការបេក្ខជន និងសំណុំឯកសារពាក់ព័ន្ធការប្រឡង នឹងត្រូវត្រួតពិនិត្យដោយហ្មត់ចត់បំផុត និងត្រូវបញ្ជូនមកកាន់រាជធានីភ្នំពេញនៅថ្ងៃទី០៧ ខែធ្នូ ឆ្នាំ២០២២ ដើម្បីត្រៀមដំណើរការកំណែ។

ក្នុងដំណើរការប្រឡងបាក់ឌុបឆ្នាំនេះ មានបេក្ខជនសរុបចំនួន ១២៨ ១៣៥នាក់ ស្រី ៦៨ ៧៧១នាក់ មាន ២២១មណ្ឌល ដែលត្រូវជា ៥ ១៧៤បន្ទប់ និងមានការចូលរួមដោយគណៈមេប្រយោគ និងគណៈកម្មការនានា ចូលរួមក្នុងដំណើរនោះប្រឡងសរុបចំនួន ១៧ ២៤០នាក់ជំនួយការអប្បមាទដែលជាគរុសិស្ស និងគរុនិស្សិត ចំនួន ២ ៧៥៦នាក់។ ព្រមទាំងថ្នាក់ដឹកនាំ និងមន្រ្តីចំនួន ៣៥០នាក់ និងអ្នកសង្កេតការណ៍រាជធានី ខេត្តចំនួន ២ ៧០០នាក់។

គូសបញ្ជាក់ថា ការប្រកាសលទ្ធផលប្រឡងនឹងធ្វើឡើងនៅរសៀលថ្ងៃទី២៧ ខែធ្នូ ឆ្នាំ២០២២ សម្រាប់បេក្ខជននៅរាជធានីភ្នំពេញ និងខេត្តកណ្តាល ហើយសម្រាប់ខេត្តដទៃទៀត ក្រសួងនឹងប្រកាសនៅព្រឹកថ្ងៃទី២៨ ខែធ្នូ ឆ្នាំ២០២២៕


ព័ត៌មានជាច្រើនទៀតសម្រាប់អ្នក